🚨 அமைச்சர்களின் பெயர்களைப் பயன்படுத்தி பாரிய நிதி மோசடியில் ஈடுபட்ட  பிக்கு கைது

இலங்கை அமைச்சர்களின் பெயர்களைப் பயன்படுத்தி பாரிய நிதி மோசடியில் ஈடுபட்ட 21 வயதுடைய பிக்கு ஒருவர் கைது செய்யப்பட்டுள்ள சம்பவம் பெரும் அதிர்ச்சியை ஏற்படுத்தியுள்ளது. மத்திய குற்ற விசாரணைப் பிரிவின் நிதி மற்றும் வர்த்தக குற்ற விசாரணை அலகினர் இன்று (பெப்ரவரி 17, 2026) மேற்கொண்ட விசேட சுற்றிவளைப்பில் இந்தச் சந்தேகநபர் சிக்கியுள்ளார்.

வலுசக்தி அமைச்சர் குமார ஜயகொடி மற்றும் துறைமுகங்கள், சிவில் விமான சேவைகள் அமைச்சர் அநுர கருணாதிலக்க ஆகியோரின் புகைப்படங்களைப் பயன்படுத்தி போலி WhatsApp கணக்குகள் உருவாக்கப்பட்டு ‘டித்வா’ புயலினால் பாதிக்கப்பட்ட மாணவர்களுக்குப் பாடசாலை உபகரணங்கள் வழங்கப்போவதாகக் கூறி, தனியார் நிறுவனங்களிடம் பணம் கோரப்பட்டுள்ளது.

சம்பந்தப்பட்ட இரண்டு அமைச்சுகளினதும் செயலாளர்களின் கையொப்பங்களை இட்டு, மோசடியான முறையில் கடிதங்களும் தயாரிக்கப்பட்டுள்ளன. முருதலாவ பகுதியில் உள்ள விகாரையொன்றில் தங்கியிருந்த 21 வயதுடைய பிக்குவே இவ்வாறு கைது செய்யப்பட்டுள்ளார்.

மத்திய குற்ற விசாரணைப் பிரிவின் பணிப்பாளர், சிரேஷ்ட காவல்துறை அத்தியட்சகர் கமல் ஆரியவங்சவின் நேரடி மேற்பார்வையில் மேலதிக விசாரணைகள் முடுக்கிவிடப்பட்டுள்ளன. கைப்பற்றப்பட்ட கடிதங்கள் மற்றும் தொலைபேசித் தரவுகள் மூலம் இந்த மோசடியுடன் தொடர்புடைய ஏனையோர் குறித்து ஆராயப்பட்டு வருகிறது.

Tag Words:
#CyberCrimeSL #WhatsAppScam #MonkArrested #SriLankaPolice #FinancialFraud #BreakingNewsSL #LKA #GovernmentSecurity