ஈரானின்’ தாக்குதலுக்கு அமெரிக்க நிறுவனம் கடும் கண்டனம்: இந்தியாவைச் சேர்ந்த கப்பல் ஊழியர் ஒருவர் உயிரிழப்பு!

ஈராக் கடற்பரப்பில் வைத்து அமெரிக்காவிற்குச் சொந்தமான எண்ணெய் ஏற்றிச் செல்லும் கப்பல் (Oil Tanker) மீது ஈரான் நடத்திய வெடிகுண்டு படகுத் தாக்குதலில், இந்தியாவைச் சேர்ந்த கப்பல் ஊழியர் ஒருவர் பரிதாபமாக உயிரிழந்துள்ளார். இந்தத் தாக்குதலை “காட்டுமிராண்டித்தனமானது” என அமெரிக்காவின் நியூஜெர்சி (NJ) மாநிலத்தை தளமாகக் கொண்ட அந்த கப்பல் நிறுவனம் கடுமையாகச் சாடியுள்ளது.

2026 பெப்ரவரி 28 அன்று தொடங்கிய அமெரிக்கா-இஸ்ரேல் மற்றும் ஈரான் இடையிலான போர் சூழலில், பெப்ரவரி 11 புதன்கிழமை இரவு இந்தத் தாக்குதல் நடத்தப்பட்டுள்ளது. ஈராக்கின் பஸ்ரா (Basra) அருகே உள்ள ‘கோர் அல் ஜுபைர்’ (Khor Al Zubair) துறைமுகப் பகுதியில், ‘Safesea Vishnu’ எனும் எண்ணெய் கப்பல் மற்றொரு கப்பலுடன் எரிபொருளைப் பரிமாறிக்கொண்டிருந்த போது (Ship-to-Ship transfer), ஈரானின் தற்கொலைப்படைப் படகுகள் (Suicide boats) இந்தக் கப்பல் மீது மோதி வெடித்தன.

இந்தத் தாக்குதலினால் ஏற்பட்ட தீ விபத்தில் கப்பல் இயந்திர அறையில் (Engine room) இருந்த இந்திய ஊழியர் ஒருவர் உயிரிழந்தார்.

கப்பலில் இருந்த ஏனைய 15 இந்திய ஊழியர்கள் உட்பட மொத்தம் 27 பேர் பாதுகாப்பாக வெளியேற்றப்பட்டு பஸ்ரா நகருக்கு அழைத்துச் செல்லப்பட்டனர்.

மார்ஷல் தீவுகளின் கொடியுடன் (Marshall Islands-flagged) பயணித்த இந்தக் கப்பல், நியூஜெர்சியைத் தளமாகக் கொண்ட நிறுவனத்தால் இயக்கப்படுகிறது.

ஹார்முஸ் நீரிணையை (Strait of Hormuz) கடக்கும் கப்பல்கள் தங்களின் உத்தரவை மீறினால் இவ்வாறான தாக்குதல்கள் தொடரும் என ஈரான் எச்சரித்துள்ளது.

இந்தத் தாக்குதலினால் மத்திய கிழக்கு பிராந்தியத்தில் போர் பதற்றம் மேலும் அதிகரித்துள்ளதுடன், உலக சந்தையில் மசகு எண்ணெய் விலையும் அதிகரித்துள்ளது.

உயிரிழந்த ஊழியரின் குடும்பத்தினருக்குத் தேவையான உதவிகளை வழங்கவும், மீட்கப்பட்ட ஏனைய இந்திய ஊழியர்களைத் தாயகம் அழைத்து வரவும் ஈராக்கிலுள்ள இந்தியத் தூதரகம் நடவடிக்கை எடுத்து வருவதை உறுதிப்படுத்தியுள்ளது.

#BreakingNews2026 #IranConflict #OilTankerAttack #SafeseaVishnu #MaritimeSecurity #MiddleEastWar #StraitOfHormuz #ShippingNews #GlobalEnergyCrisis