250
அமெரிக்காவின் கூட்டாட்சி விசாரணைப் பிரிவு (FBI) வெளியிட்ட தகவலின்படி, 6,200க்கும் மேற்பட்ட காணாமல் போன குழந்தைகள் கண்டுபிடிக்கப்பட்டுள்ளனர். இந்த நடவடிக்கை பல்வேறு மாநிலங்களில் ஒருங்கிணைந்த முறையில் முன்னெடுக்கப்பட்ட விசாரணைகள் மற்றும் மீட்பு முயற்சிகளின் விளைவாகும். காணாமல் போன குழந்தைகளை கண்டறிய பல சட்ட அமுலாக்க அமைப்புகள் இணைந்து சிறப்பு நடவடிக்கைகள் மேற்கொள்ளப்பட்டது. ஆபத்தான சூழ்நிலைகளில் இருந்த குழந்தைகள் பாதுகாப்பாக மீட்கப்பட்டனர்.
இந்த மீட்பு நடவடிக்கையின் போது, சிறுவர் கடத்தல் மற்றும் பாலியல் குற்றங்களுடன் தொடர்புடைய நூற்றுக்கணக்கான சந்தேக நபர்களை FBI கைது செய்துள்ளது. மீட்கப்பட்ட சிறுவர்கள் அனைவரும் பாதுகாப்பான இடங்களுக்கு மாற்றப்பட்டுள்ளதுடன், அவர்களுக்குத் தேவையான மருத்துவ மற்றும் உளவியல் ஆலோசனைகள் வழங்கப்பட்டு வருகின்றன.
சமூக வலைத்தளங்கள் மற்றும் நவீனத் தரவுப் பகுப்பாய்வு (Data Analytics) முறைகளைப் பயன்படுத்தி, சிறுவர்கள் இருக்குமிடங்களை FBI துல்லியமாகக் கண்டறிந்துள்ளது. இந்த பாரிய மீட்பு நடவடிக்கையில் கைது செய்யப்பட்ட குற்றவாளிகளுக்கு, அமெரிக்கக் கூட்டாட்சிச் சட்டத்தின் (Federal Law) கீழ் மிகக் கடுமையான தண்டனைகள் வழங்கப்படவுள்ளன. குறிப்பாக சிறுவர் கடத்தல், பாலியல் சுரண்டல் மற்றும் வன்முறை தொடர்பான குற்றச்சாட்டுகளின் அடிப்படையில் இந்தத் தண்டனைகள் அமையும்.
ஒரு சிறுவரைக் கடத்திச் சென்று அடைத்து வைத்திருப்பது அல்லது மாநில எல்லைகளைத் தாண்டிக் கொண்டு செல்வது உறுதி செய்யப்பட்டால், குற்றவாளிகளுக்கு ஆயுள் தண்டனை (Life Imprisonment) வரை விதிக்கப்படலாம். கடத்தலில் வன்முறை ஏதும் பிரயோகிக்கப்படாவிட்டாலும், குறைந்தபட்சம் 20 ஆண்டுகள் சிறைத்தண்டனை வழங்கப்பட சட்டத்தில் இடமுண்டு.
பாலியல் சுரண்டல் மற்றும் கடத்தல் (Sex Trafficking of Children) அமெரிக்கச் சட்டத்தின் கீழ் மிகக் கடுமையான குற்றமாகக் கருதப்படுகிறது.
சிறுவர்களைப் பாலியல் தொழிலில் ஈடுபடுத்திய குற்றவாளிகளுக்குப் பிணையில் வரமுடியாத ஆயுள் தண்டனை அல்லது குறைந்தது 15 முதல் 30 ஆண்டுகள் வரையிலான சிறைத்தண்டனை விதிக்கப்படும். சிறைத்தண்டனையுடன் சேர்த்து, பல மில்லியன் அமெரிக்க டொலர்கள் அபராதமாகவும் விதிக்கப்படலாம்
#FBINews #MissingChildren #ChildSafety OperationCrossCountry #USLawEnforcement
Spread the love
