கிரீன்லாந்தில் அமெரிக்கக் கொடி: டொனால்ட் டிரம்பின் அதிரடிப் பதிவு!
அமெரிக்க ஜனாதிபதி டொனால்ட் டிரம்ப், கிரீன்லாந்து தீவை அமெரிக்காவின் ஒரு பகுதியாகச் சித்தரிக்கும் வகையிலான புகைப்படத்தைத் தனது ட்ரூத் சோஷியல் (Truth Social) சமூக வலைத்தளத்தில் வெளியிட்டுப் பரபரப்பைக் கிளப்பியுள்ளார்.
📸 வெளியிடப்பட்டுள்ள அந்தப் படத்தில், பனி படர்ந்த கிரீன்லாந்து நிலப்பரப்பில் டிரம்ப் மற்றும் துணை ஜனாதிபதி ஜே.டி. வான்ஸ் ஆகியோர் அமெரிக்கக் கொடியை நாட்டுவது போலச் சித்தரிக்கப்பட்டுள்ளது. அதில் “கிரீன்லாந்து, அமெரிக்க யூனியன் பிரதேசம், நிறுவப்பட்ட ஆண்டு 2026” (Greenland, US territory, est 2026) என்ற வாசகமும் இடம்பெற்றுள்ளது. இது ஒரு AI (செயற்கை நுண்ணறிவு) மூலம் உருவாக்கப்பட்ட படமாகக் கருதப்படுகிறது.
🚩 எனினும் கிரீன்லாந்தை அமெரிக்காவிற்கு விற்பனை செய்ய மறுக்கும் டென்மார்க் மற்றும் அதற்கு ஆதரவளிக்கும் ஐரோப்பிய நாடுகளுக்கு (பிரிட்டன், பிரான்ஸ் உள்ளிட்ட 8 நாடுகள்) எதிராக 10% முதல் 25% வரை இறக்குமதி வரி (Tariff) விதிக்கப்படும் என டிரம்ப் அண்மையில் எச்சரித்துள்ளார்.
அத்துடன் ஆர்க்டிக் பிராந்தியத்தில் சீனா மற்றும் ரஷ்யாவின் ஆதிக்கத்தைத் தடுக்க கிரீன்லாந்து அமெரிக்காவின் கட்டுப்பாட்டில் இருப்பது அவசியம் என டிரம்ப் வாதிடுகிறார்.
ஆனால் “கிரீன்லாந்து விற்பனைக்கு அல்ல” என டென்மார்க் மற்றும் கிரீன்லாந்து அரசுகள் திட்டவட்டமாகத் தெரிவித்துள்ளன. மேலும், ஐரோப்பிய நாடுகள் டிரம்பின் இந்த நடவடிக்கையை “பொருளாதார மிரட்டல்” எனக் கண்டித்துள்ளன.
இந்த விவகாரம் தற்போது சர்வதேச அரசியலில் பெரும் விவாதப் பொருளாக மாறியுள்ளது.
#Trump #Greenland #USA #TruthSocial #Denmark #BreakingNews #InternationalPolitics #TariffWar #Trump2026 #USFlag #Arctic
