பிரதான செய்திகள் விளையாட்டு

கவுதம் காம்பிர் ஓய்வு பெறுவதாக அறிவிப்பு

இந்திய அணியின் முன்னணி துடுப்பாட்டவீரராக திகழ்ந்த கவுதம் காம்பீர் அனைத்து வகை கிரிக்கெட்டிலிருந்தும் ஓய்வு பெறுவதாக அறிவித்துள்ளார். கவுதம் காம்பீர் இந்திய அணி 2007-ம் ஆண்டு இருபதுக்கு 20 உலகக்கோப்பையை வெல்லும்போது 57 ஓட்டங்களையும் 2011-ம் ஆண்டு 50 ஓவர் உலகக்கோப்பையை வெல்லும்போது 97 ஓட்டங்களையும் எடுத்து முத்திரை பதித்திருந்தார்

கடைசியாக 2016-ம் ஆண்டு ராஜ்கோட்டில் நடைபெற்ற இங்கிலாந்திற்கு எதிரான டெஸ்டில் விளையாடிய காம்பீர் தற்போது டெல்லி அணிக்காக உள்ளூர் தொடர்களில் விளையாடி வருகிறார். இந்நிலையில் இன்று அனைத்து வகை கிரிக்கெட்டிலும் இருந்த ஓய்வு பெறுவதாக தெரிவித்துள்ளார்.

கடந்த 2003-ம் ஆண்டு இந்திய ஒருநாள் அணியில் அறிமுகமாகிய 37 வயதாகும் கவுதம் காம்பீர் இந்திய அணிக்காக 58 டெஸ்ட், 147 ஒருநாள் மற்றும் 37 இருபதுக்கு 20 போட்டிகளில் விளையாடியுள்ளார். டெஸ்ட் போட்டியில் 22 அரைசதம் 9 சதங்களுடன் 4154 ஓட்டங்களும் ஒருநாள் போட்டியில் 34 அரைசதம், 11 சதங்களுடன் 5238 ஓட்டங்களும் , இருபதுக்கு 20 போட்டியில் 7 அரைசதங்களுடன் 932 ஓட்டங்களும் சேர்த்துள்ளார் என்பர் குறிப்பிடத்தக்கது.

Spread the love

Add Comment

Click here to post a comment

Your email address will not be published. Required fields are marked *

This site uses Akismet to reduce spam. Learn how your comment data is processed.

Share via
Copy link
Powered by Social Snap