පර්පෙචුවල් ට්‍රෙෂරීස් සමාගමේ අධ්‍යක්ෂ අර්ජුන් ඇලෝසියස් සහ එහි ප්‍රධාන විධායක නිලධාරි කසුන් පලිසේන ලබන 16 වනදා දක්වා රක්ෂිත බන්ධනාගාර ගත කිරීමට නියෝග කර තිබේ.
සැකකරුවන් අද(05) කොළඹ කොටුව මහේස්ත්‍රාත් අධිකරණයට ඉදිරිපත් කිරීමෙන් අනතුරුව ඔවුන්ව ලබන 16 වනදා දක්වා යළි රක්ෂිත බන්ධනාගාර ගතකරන ලෙස කොටුව මහේස්ත්‍රාත් ලංකා ජයරත්න මෙනෙවිය එහිදී නියෝග කර තිබේ.
ශ්‍රී ලංකා මහ බැංකුවේ හිටපු අධිපති අර්ජුන මහේන්ද්‍රන් මහතාගෙන් රහස්‍ය තොරතුරු උපයෝගී කරගෙන බැඳුම්කර වෙන්දේසි දෙකකදී රජයට රුපියල් කෝටි 9147ක අලාභයක් සිදු කිරීම ඇතුළු චෝදනා කිහිපයක් මත ඊයේ (4) දින අපරාධ පරීක්ෂණ දෙපාර්තමේන්තුව මගින් සැකකරුවන් අත්අඩංගුවට ගෙන තිබුණි.
Add Comment