Home இலங்கை வடமாகாண சபையின் 2018 ஆம் ஆண்டு வரவுசெலவுத்திட்டம் ஏகமனதாக நிறைவேற்றம்

வடமாகாண சபையின் 2018 ஆம் ஆண்டு வரவுசெலவுத்திட்டம் ஏகமனதாக நிறைவேற்றம்

by admin


வடமாகாண சபையின் 2018 ஆம் ஆண்டிற்குரிய வரவுசெலவுத்திட்டம் ஏகமனதாக நிறைவேற்றப்பட்டுள்ளது. வடமாகாண சபையின் 114வது அமர்வு இன்று வியாழக்கிழமை அவைத் தலைவர் சீ.வி.கே.சிவஞானம் தலைமையில் நடைபெற்றது. வடமாகாண சபையின் 2018 ஆம் ஆண்டிற்குரிய வரவுசெலவுத்திட்டம் வடமாகாண முதலமைச்சர் சீ.வி.விக்னேஸ்வரனினால் சமர்பிக்கப்பட்டு 3 நாட்களாக விவாதம் நடைபெற்றது.

உள்ளூராட்சி மற்றும் கல்வி, விவசாயம், சுகாதாரம், மீன்பிடி போக்குவரத்து, கூட்டுறவு, மகளிர் விவகாரம் உள்ளிட்ட துறைகளின் ஒதுக்கீடுகள், விவாத்திற்குட்படுத்தப்பட்டு, அங்கிகரிக்கப்பட்டது. முதலமைச்சர் மொத்த செலவினங்களின் அடிப்படையில் 2018 ஆம் ஆண்டு ஜனவரி நிதி ஒதுக்கீடாக 26 ஆயிரத்து 754 மில்லியனும் 61 ஆயிரம் ரூபாவுக்கு சபையின் அங்கீகாரத்தினை வழங்குமாறு முன்மொழிந்தார். இதனை வடமாகாண சபை எதிர்க்கட்சித் தலைவர் சின்னத்துரை தவராசா வழிமொழிந்தார்.

இந்தநிலையில் வடமாகாண சபையின் 2018 ஆம் ஆண்டிற்கான வரவுசெலவுத்திட்டம் ஏகமனதாக அங்கீகரிக்கப்பட்டிருந்தமை குறிப்பிடத்தக்கது.

இதனை அவைத்தலைவர் சீ.வி.கே.சிவஞானம் உத்தியோகபூர்வமாக அறிவித்து 2018 ஆம் ஆண்டிற்குரிய முதலவாது அமார்வினை ஜனவரி மாதம் 09 ஆம் திகதிக்கு ஒத்திவைத்தார்.

Spread the love
 
 
      

Related News

Leave a Comment

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More