குளோபல் தமிழ்ச் செய்தியாளர்
வடக்கில் ஒரு மாதத்தில் 4 ஆயிரத்து 722 வெடிபொருட்கள் அகற்றப்பட்டுள்ளன
Nov 1, 2018 @ 02:57
வடக்கில் மூன்று மாவட்டங்களில் கடந்த ஒரு மாத காலத்தில் 4 ஆயிரத்து 722 வெடிபொருட்கள் தமது நிறவனத்தால் அகற்றப்பட்டு உள்ளதாக ஹலோரெஸ்ட் நிறுவனம் தெரிவித்துள்ளது. இலங்கையில் கடந்த 16 வருட காலமாக வெடி பொருட்களை அகற்றும் பணியில் ஈடுபட்டு வருகின்ற குறித்த நிறுவனம் தற்போது வடக்கில் யாழ்ப்பாணம் , கிளிநொச்சி மற்றும் முல்லைத்தீவு மாவட்டங்களில் குறித்த நிறுவனம் ஈடுபட்டுள்ளது.
குறித்த பகுதிகளில் இருந்து ஒரு மாதத்தில் ஆயிரத்து 498 மிதிவெடிகள், ஒரு வாகன எதிர்ப்பு மிதிவெடி , 209 வெடிக்காத வெடி பொருட்கள் , 14 ஆபத்து குறைந்த வெடி பொருட்கள் , மூவாயிரம் துப்பாக்கி ரவைகள் என்பவற்றை தாம் மீட்டுள்ளதாக அந்நிறுவனம் தெரிவித்துள்ளது. அத்துடன் வெடி பொருட்களை அகற்ற மனித வலுவையும், இயந்திர வலுவையும் பயன்படுத்துவதாகவும் தெரிவித்துள்ளது.
