பாகுபலி-2 படத்தில் இடம்பெற்ற சாஹோரே பாடலை யூடியூப்பில் 100 மில்லியனுக்கும் மேற்பட்டோர் பார்த்துள்ளதன் மூலம் சாதனை படைத்துள்ளது. ராஜமவுலி இயக்கத்தில் வெளியான ‘பாகுபலி’, ‘பாகுபலி 2’ படங்கள் உலகமெங்கும் வெளியாகி வசூலில் அதிக சாதனை படைத்திருந்தது. இப்படத்தில் பிரபாஸ், ராணா, அனுஷ்கா, தமன்னா உள்ளிட்ட பலர் நடித்திருந்தார்கள்.
இந்நிலையில், இந்த திரைப்படத்தில் இடம்பெற்றிருந்த ஒரு பாடல் புதிய சாதனை படைத்துள்ளது. தெலுங்கு பதிப்பில் வெளியான ‘சாஹோரே பாகுபலி’ என்ற பாடலையே யூடியூப்பில் 100 மில்லியனுக்கும் மேற்பட்டோர் பார்த்துள்ளனர். பாகுபலி 2 படத்தில் நடிகர் பிரபாசின் அறிமுக பாடலே இவ்வாறு சாதனை படைத்துள்ளது.இதன்மூலம் தென்னிந்தியாவில் வெளியான பாடல்களில் 100 மில்லியன் வீவ்களை பெற்ற முதல் பாடல் என்ற சாதனையை படைத்துள்ளது.
இந்த படங்களின் வெற்றியை தொடர்ந்து அடுத்ததாக ‘பாகுபலி 3’ படத்தை ராஜமௌலி உருவாக்க இருப்பதாக செய்திகள் வெளியாகியுள்ளமை குறிப்பிடத்தக்கது
