204
மஹியாங்கனை காவல்துறைப் பிரிவிற்குட்பட்ட தம்பல்ல, குடாவௌ பகுதியில் யானை தாக்குதலுக்கு உள்ளாகி சிறுமி ஒருவர் உயிரிழந்துள்ளார். மஹியாங்கனை குடாவௌ பகுதியை சேர்ந்த ஷாலிக மதுஷானி எனும் 8 வயதுடைய சிறுமி ஒருவரே இவ்வாறு உயிரிழந்துள்ளார்.
அத்துடன் குறித்த சிறுமியின் பாட்டி பலத்த காயங்களுடன் மஹியாங்கனை வைத்தியசாலையில் அனுமதிக்கப்பட்டுள்ளதாக காவல்துறையினர் தெரிவித்தனர். யானை ஒன்று வீடொன்றை உடைத்துக் கொண்டு சென்றதிலேயே குறித்த சிறுமி உயிரிழந்துள்ளதாக தெரிவிக்கப்படுகின்றது.
சம்பவம் தொடர்பில் மஹியாங்கனை காவல்துறையினர் மேலதிக விசாரணைகளை மேற்கொண்டு வருகின்றனர். #யானை #சிறுமி #பலி #மஹியாங்கனை
(க.கிஷாந்தன்)
Spread the love
