157
உயிர்க் கொல்லி போதைப்பொருள்களில் ஒன்றான ஐஸ் போதைப்பொருளை கடத்த முற்பட்ட 50 வயதுடைய ஒருவர் கைது செய்யப்பட்டுள்ளார் என யாழ்ப்பாணம் சிறப்பு அதிரடிப்படையினர் தெரிவித்துள்ளனர். “சந்தேக நபரிடமிருந்து 2 கோடி ரூபாய் மதிக்கத்தக்க 2 கிலோ கிராம் ஐஸ் போதைப்பொருளும் 25 கிலோ கிராம் கஞ்சா போதைப்பொருளும் கைப்பற்றப்பட்டன.
வல்வெட்டித்துறையிலிருந்து வான் ஒன்றில் கடத்திச் சென்ற போது பருத்தித்துறைப் பிரதேசத்தில் இன்று (01.07.20) அதிகாலை சந்தேக நபர் கைது செய்யப்பட்டுள்ளார்.
வல்வெட்டித்துறையைச் சேர்ந்த சந்தேக நபர், மேலதிக விசாரணைகளுக்காக தற்போது யாழ்ப்பாணம் சிறப்பு அதிரடிப்படை முகாமில் தடுத்து வைக்கப்பட்டுள்ளார்” என சிறப்பு அதிரடிப் படையினர் அறிவித்துள்ளனர்.
Spread the love
