🇬🇧 பிரித்தானியா மற்றொரு பிரதமரை இழக்கப் போகிறதா? 

2022-இல் போரிஸ் ஜோன்சன் பதவி விலகியபோது கூறிய அந்த “மந்தை மனப்பான்மை” (Herd Instinct) பற்றிய கருத்து, இப்போது கீயர் ஸ்டார்மர் விஷயத்திலும் உண்மையாகிவிடுமோ என்ற அச்சம் எழுந்துள்ளது.

2024-இல் அமோக வெற்றி பெற்ற போதிலும், தற்போது அவர் கடுமையான அரசியல் நெருக்கடியைச் சந்தித்து வருகிறார். அமெரிக்காவுக்கான பிரித்தானிய தூதராக பீட்டர் மண்டல்சனை ஸ்டார்மர் நியமித்ததே இந்த நெருக்கடிக்கு முக்கிய காரணம்.

மண்டல்சனுக்கும், பாலியல் குற்றவாளியான ஜெப்ரி எப்ஸ்டினுக்கும் (Jeffrey Epstein) இடையிலான தொடர்புகள் குறித்த புதிய தகவல்கள் வெளியானதால் ஸ்டார்மர் மீது கடும் விமர்சனங்கள் எழுந்துள்ளன.

கடந்த 48 மணி நேரத்தில் ஸ்டார்மரின் வலதுகரமாக இருந்தவர்கள் பதவி விலகியுள்ளனர். மோர்கன் மெக்ஸ்வீனி (Morgan McSweeney): பிரதமரின் தலைமை அதிகாரி (Chief of Staff). மண்டல்சனை நியமிக்க ஆலோசனை வழங்கியதற்காகப் பொறுப்பேற்று விலகினார்.

முதன்முறையாக, ஸ்கொட்லாந்து லேபர் கட்சித் தலைவர் அனஸ் சர்வார், ஸ்டார்மர் பதவி விலகுவதே கட்சிக்கும் நாட்டுக்கும் நல்லது என்று பகிரங்கமாகத் தெரிவித்துள்ளார்.

பிரதமர் ஸ்டார்மாின் உதவியாளர்கள் விலகியுள்ளனர். மூத்த தலைவர்கள் பதவி விலகக் கோருகின்றனர். எனினும் அவா் “நான் எதற்கும் அஞ்சமாட்டேன், விலகமாட்டேன்” என உறுதியாக உள்ளார். இன்று (பெப்ரவரி 10, 2026) நடைபெற்ற அமைச்சரவைக் கூட்டத்தில், தான் பதவி விலகப் போவதில்லை என்றும், நாட்டுக்காக உழைக்கப் போவதாகவும் ஸ்டார்மர் தெரிவித்துள்ளார்.

இருப்பினும், அவரது செல்வாக்கு கணிசமாகக் குறைந்துள்ளதால், கட்சியின் மற்ற உறுப்பினர்களின் ஆதரவு எவ்வளவு காலம் நீடிக்கும் என்பது கேள்விக்குறியாகவே உள்ளது.

கீயர் ஸ்டார்மர் பதவி விலகினால், லேபர் கட்சியின் தலைவராகவும் பிரித்தானியாவின் அடுத்த பிரதமராகவும் வரக்கூடியவர்கள் என இங்கிலாந்து ஊடகங்கள் மற்றும் பந்தயச் சந்தைகள் (Betting Odds) குறிப்பிடும் முக்கிய பெயர்களாக உள்ளவா்களில்

1. அஞ்சலா ரெய்னர் (Angela Rayner)முன்னாள் துணைப் பிரதமர்கட்சியின் அடிமட்டத் தொண்டர்களிடையே பலமான ஆதரவு உள்ளது. ஆனால், வரி ஏய்ப்பு தொடர்பான பழைய புகார்கள் இவருக்குச் சவாலாக உள்ளன.

2. வெஸ் ஸ்ட்ரீட்டிங் (Wes Streeting) சுகாதாரச் செயலாளர்சிறந்த பேச்சாளர், ஊடகங்களைக் கையாளுவதில் வல்லவர். ஆனால், மண்டல்சனுடன் இவருக்கு இருந்த நெருக்கமான நட்பு இப்போது பின்னடைவாகப் பார்க்கப்படுகிறது.

3. ஷபானா மஹ்மூத் (Shabana Mahmood) உள்துறைச் செயலாளரான இவர் பிரதமரானால் பிரித்தானியாவின் முதல் முஸ்லிம் பிரதமர் என்ற வரலாற்றைப் படைப்பார். குடியேற்ற விவகாரங்களில் கண்டிப்பானவர்.

4. எட் மிலிபான்ட் (Ed Miliband) எரிசக்திச் செயலாளர்அனுபவம் மிக்கவர், கட்சியின் இடதுசாரி பிரிவினரின் ஆதரவு இவருக்கு உண்டு. ஏற்கனவே ஒருமுறை கட்சித் தலைவராக இருந்தவர்.

தற்போதைய நிலவரப்படி ஸ்டார்மரின் செல்வாக்கு தற்போது -57 என்ற மிகக்குறைந்த நிலைக்குச் சென்றுள்ளது. இது போரிஸ் ஜோன்சன் பதவி விலகியபோது இருந்ததை விடவும் குறைவானதாகும்.

பொதுவாக பிரித்தானியப் பிரதமரை மாற்ற வேண்டுமானால், லேபர் கட்சியின் 81 நாடாளுமன்ற உறுப்பினர்கள் (MPs) அவருக்கு எதிராகக் கடிதம் கொடுக்க வேண்டும். இதுவரை அஞ்சலா ரெய்னர் மற்றும் வெஸ் ஸ்ட்ரீட்டிங் ஆதரவாளர்கள் தங்களுக்குள் திரைமறைவு வேலைகளைத் தொடங்கிவிட்டதாகத் தெரிகிறது.

Tag Words:#KeirStarmer #UKPolitics #LabourParty #MandelsonScandal #DowningStreet #BritishPrimeMinister #PoliticalCrisis2026 #LKA