182
அமெரிக்க கடற்படையின் மூன்றாவது விமானம் தாங்கி தாக்குதல் குழு விரைவில் மத்திய கிழக்கு பிராந்தியத்துக்கு அனுப்பப்பட உள்ளதாக அமெரிக்க பாதுகாப்பு வட்டாரங்கள் தெரிவித்துள்ளன.
அமெரிக்க கடற்படையின் USS George H.W. Bush என்ற விமானம் தாங்கி கப்பலை தலைமையாகக் கொண்ட இந்த தாக்குதல் குழு, “விரைவில்” மத்திய கிழக்கை நோக்கி நகர்த்தத் தயாராகி வருவதாக தகவல்கள் வெளியாகியுள்ளன.
இது தற்போது அந்தப் பகுதியில் நிலவும் பாதுகாப்பு மற்றும் அரசியல் பதற்றங்களின் பின்னணியில் மேற்கொள்ளப்படும் முக்கியமான இராணுவ நடவடிக்கையாகக் கருதப்படுகிறது. அமெரிக்கா, மத்திய கிழக்கில் தனது இராணுவப் பங்கினை வலுப்படுத்தும் நோக்கில் இந்த நடவடிக்கையை மேற்கொள்வதாகவும் தெரிவிக்கப்படுகிறது.
USS George H.W. Bush விமானம் தாங்கி கப்பலை மையமாகக் கொண்ட carrier strike group பொதுவாக வழிகாட்டும் ஏவுகணை destroyer கப்பல்கள், cruiser கப்பல்கள் மற்றும் அணுசக்தி இயக்கத்தில் இயங்கும் நீர்மூழ்கிக் கப்பல்களையும் உள்ளடக்கியதாக இருக்கும்.
இந்த படையணி மத்திய கிழக்கில் ஏற்கனவே நிலைநிறுத்தப்பட்டுள்ள அமெரிக்க கடற்படை படைகளுடன் இணைந்து பாதுகாப்பு மற்றும் தடுப்பு நடவடிக்கைகளில் ஈடுபடும் என எதிர்பார்க்கப்படுகிறது.
சமீப காலமாக மத்திய கிழக்கு பிராந்தியத்தில் அதிகரித்துவரும் பாதுகாப்பு பதற்றங்களின் மத்தியில், அமெரிக்கா தனது இராணுவ முன்னெச்சரிக்கை நடவடிக்கைகளை வலுப்படுத்தி வருவது குறிப்பிடத்தக்கது.
Spread the love
