207
இலங்கையின் தெற்கு கடற்பரப்பில் முன்னெடுக்கப்பட்ட விசேட கண்காணிப்பு மற்றும் தேடுதல் நடவடிக்கையின் போது, போதைப்பொருள் கடத்தல் முயற்சி ஒன்றை இலங்கை கடற்படையினர் முறியடித்துள்ளனர்.
கடற்படையினர் தெரிவித்ததாவது, ஆழ்கடலில் மேற்கொள்ளப்பட்ட நடவடிக்கையின் போது, போதைப்பொருள் என சந்தேகிக்கப்படும் பொதிகளை ஏற்றிச் சென்ற பலநாள் மீன்பிடி படகு ஒன்று கைப்பற்றப்பட்டுள்ளது.
அந்த படகில் இருந்த 6 சந்தேக நபர்கள் கடற்படையினரால் கைது செய்யப்பட்டுள்ளனர். அவர்கள் இலங்கைப் பிரஜைகள் என ஆரம்பக்கட்ட தகவல்கள் தெரிவிக்கின்றன.
மேலும், கைப்பற்றப்பட்ட பலநாள் மீன்பிடி படகு, போதைப்பொருள் என சந்தேகிக்கப்படும் பொதிகள் மற்றும் கைது செய்யப்பட்ட சந்தேக நபர்கள் ஆகியோர் மேலதிக விசாரணைகள் மற்றும் சட்ட நடவடிக்கைகளுக்காக கரைக்கு கொண்டு வரப்பட்டு வருவதாக கடற்படை அதிகாரிகள் தெரிவித்துள்ளனர்.
இந்தச் சம்பவம் தொடர்பான மேலதிக விசாரணைகளை இலங்கை கடற்படை மற்றும் தொடர்புடைய பாதுகாப்பு அமைப்புகள் இணைந்து மேற்கொண்டு வருகின்றன. கைப்பற்றப்பட்ட போதைப்பொருளின் வகை மற்றும் அளவு தொடர்பான தகவல்கள் விசாரணைகளுக்குப் பின்னர் வெளியிடப்படும் எனவும் தெரிவிக்கப்பட்டுள்ளது.
Spread the love
