மாணவர் விடுதிக் கட்டடத்திலிருந்து குதித்த மாணவி வைத்தியசாலையில்

உடுவில் பகுதியில் உள்ள பிரபல பாடசாலை ஒன்றில் முல்லைத்தீவு பகுதியை சேர்ந்த 14 வயதுடைய மாணவி ஒருவர் பாடசாலையின் மாணவர் விடுதியில் தங்கியிருந்து கல்வி கற்று வருகிறார்.

அந்நிலையில் , நேற்றைய தினம் மாணவி விடுதியின் கட்டடம் ஒன்றின் இரண்டாம் மாடியில் இருந்து கீழே குதித்துள்ளார். அதில் மாணவி படுகாயமடைந்த நிலையில் , மீட்கப்பட்டு யாழ் , போதனா வைத்தியசாலையில் சிகிச்சைக்காக அனுமதிக்கப்பட்டுள்ளார்.

பாடசாலையில் அண்மையில் நடைபெற்ற போட்டி ஒன்றில் குறித்த மாணவி கலந்து கொண்டு முதலிடம் பெற்றதாகவும் ,  அதனால் சக மாணவிகள் இந்த மாணவியை ஒதுக்கி , விலகி நடந்து கொண்டதால் , மாணவி விரக்தியில் இருந்ததாகவும் அதனால் மாணவி தனது உயிரை மாய்க்கும் முகமாகவே கட்டடத்தில் இருந்து குதித்ததாக ஆரம்ப கட்ட விசாரணைகளில் தெரியவந்துள்ளது. சம்பவம் தொடர்பில் சுன்னாகம் காவல்துறையினர் விசாரணைகளை முன்னெடுத்துள்ளனர்.