ஐக்கிய அமெரிக்காவின் புதிய வரவு செலவுத் திட்டம் செனட் சபையில் தோல்வி..

ஐக்கிய அமெரிக்காவின் புதிய வரவு செலவுத் திட்டம் செனட் சபையில் நிறைவேற்றப்படாமை காரணமாக பல அரச நிறுவனங்கள் மூடப்படும் நிலை ஏற்பட்டுள்ளதாக சர்வதேச செய்திகள் தெரிவிக்கின்றன. அத்தியவசிய சேவைகளை வழங்கும் அரச நிறுவனங்கள் தவிர்ந்த,  தேசிய பூங்காக்கள் மற்றும் சுற்றுலா இடங்கள் பல இதனால் மூடப்பட உள்ளன.

இதேவேளை  தேசிய பாதுகாப்பு, தபால் சேவை, விமான போக்குவரத்து கட்டுப்பாடு, அவசர மருத்துவ சேவைகள், அனர்த்த உதவி, சிறைச்சாலைகள், வரிவிதிப்பு மற்றும் மின்சாரம் போன்ற சேவைத் துறைகள் அத்தியவசிய சேவைகளாக கருதப்படுகின்றன. இவை தவிர்ந்த  பல நிறுவனங்கள் மூடப்படும் நிலை ஏற்பட்டுள்ளது. அதேநேரம் அமெரிக்க ஜனாதிபதி டொனால்ட் ட்ரம்ப், புளோரிடா மாநிலத்திற்கான தனது விஜயத்தையும் இரத்து செய்துள்ளதாக சர்வதேச செய்திகள் தெரிவிக்கின்றன.