நேரம் வரும்போது ஓய்வு குறித்து அறிவிப்பேன் – லசித் மலிங்க

நேரம் வரும்போது ஓய்வு பெறவுள்ளதாக இலங்கை கிரிக்கெட் அணியின் முன்னாள் தலைவர் லசித் மலிங்க தெரிவித்துள்ளார். கடந்த வருடம் இலங்கை அணிக்காக இறுதியாக விளையாடிய லசித் மலிங்க , தென்னாபிரிக்காவுக்கெதிரான ஒருநாள் சர்வதேசப் போட்டித் தொடரில் இலங்கை அணியில் சேர்த்துக் கொள்ளாமையினால் அவர் ஓய்வு குறித்து அறிவிப்பு வெளியிடவுள்ளதாக தகவல்கள் வெளியாகியிருந்த நிலையிலேயே அவர் இவ்வாறு தெரிவித்துள்ளார்.

மேலும் ஆடுகள பராமரிப்பாளர்களை தான் கடந்தாண்டு விமர்சித்தமைதான் , தான் அணியில் சேர்த்துக் கொள்ளாமைக்கான காரணமாக இருக்கலாம் என தான் நம்புவதாகவும் அவர் தெரிவித்துள்ளார். தனது வெளிப்படையான நேரடியாகப் பேசும் தன்மையையும் தான் அணியில் தேர்வு செய்யப்படாமலிருப்பதற்கான காரணங்களாக இருக்கலாமெனவும் லசித் மலிங்க சந்தேகம் வெளியிட்டுள்ளார்.