Home இலங்கை இலங்கையில் மேலும் சில பகுதிகளுக்கு தனிமைப்படுத்தல் ஊரடங்கு உத்தரவு.

இலங்கையில் மேலும் சில பகுதிகளுக்கு தனிமைப்படுத்தல் ஊரடங்கு உத்தரவு.

by admin


கம்பஹா காவற்துறைப் பிரிவிலும் களனி காவற்துறைப் பிரிவில் ஜா-எல மற்றும் கந்தான காவற்துறை எல்லைப்பகுதிக்குள்ளும் மீண்டும் அறிவிக்கும் வரையில் தனிமைப்படுத்தல் ஊரடங்குச் சட்டம் பிறப்பிக்கப்பட்டுள்ளது.

அரசாங்க தகவல் திணைக்கள பணிப்பாளர் நாயகம் இன்று (07) காலை வெளியிட்டுள்ள ஊடக அறிக்கையில் இந்த விடயம் தெரிவிக்கப்பட்டுள்ளது.

இது தொடர்பாக காவற்துறை தலைமையகம் வெளியிட்டுள்ள ஊடக அறிக்கை பின்வருமாறு:

1897 ஆம் ஆண்டு இலக்கம் 03 இன் கீழான தனிமைப்படுத்தல் மற்றும் நோய் தடுப்புக் கட்டளைச் சட்டத்தின் எற்பாடுகளை நடைமுறைப்படுத்தும் வகையில் (2020.10.07) இன்று முதல் மறு அறிவித்தல் வரையில் கீழ் கண்ட 17 காவற்துறை எல்லை பகுதிக்குள் தனிமைப்படுத்தல் ஊரடங்குச் சட்டம் அமுல்படுத்தப்படுகின்றது.

கம்பஹா பொலிஸ் பிரிவு

  1. கம்பஹா காவற்துறை எல்லைப் பகுதிக்குள்.
  2. கணேமுல்ல காவற்துறை எல்லைப் பகுதிக்குள்.
  3. கிரிந்திவெல காவற்துறை எல்லைப் பகுதிக்குள்.
  4. மல்வத்து ஹிரிபிட்டிய காவற்துறை எல்லைப் பகுதிக்குள்.
  5. மீரிகம காவற்துறை எல்லைப் பகுதிக்குள்.
  6. நிட்டம்புவ காவற்துறை எல்லைப் பகுதிக்குள்.
  7. பூகொடை காவற்துறை எல்லைப் பகுதிக்குள்.
  8. வேயாங்கொடை காவற்துறை எல்லைப் பகுதிக்குள்.
  9. வீரகுல காவற்துறை எல்லைப் பகுதிக்குள்.
  10. வெலிவேரிய காவற்துறை எல்லைப் பகுதிக்குள்.
  11. யக்கல காவற்துறை எல்லைப் பகுதிக்குள்.
    12.தொம்பே காவற்துறை எல்லைப் பகுதிக்குள்.
    13.மினுவங்கொடை காவற்துறை எல்லைப் பகுதிக்குள்.
    14 பல்லேவெல காவற்துறை பொலிஸ் எல்லைப் பகுதிக்குள்.

களனி காவற்துறை பிரிவு

  1. ஜா – எல காவற்துறை எல்லைப் பகுதிக்குள்.
  2. கந்தான காவற்துறை எல்லைப் பகுதிக்குள்.

நீர் கொழும்பு காவற்துறை பிரிவு

01.திவுலப்பிட்டிய காவற்துறை எல்லைப் பகுதிக்குள்

தனிமைப்படுத்தல் ஊரடங்குச் சட்ட காலப்பகுதியில் அனைவரும் தமது வீடுகளில் இருக்க வேண்டும். இதேபோன்று தனிமைப்படுத்தல் ஊரடங்குச் சட்டம் நடைமுறைப்படுத்தப்படும் காலப்பகுதிக்குள் இந்த பிரதேசத்திற்குள் பிரவேசித்தல், அதேபோன்று பிரதேசத்தில் இருந்து வெளியேறுதல் முழுமையாக தடை செய்யப்பட்டுள்ளது.

மேலும் தூர இடங்களுக்கான பயணிகள் போக்குவரத்து பஸ்கள் இந்த பிரதேசத்தின் ஊடாக பயணிக்க முடிந்த போதிலும் இந்த பகுதிகளில் உள்ள பஸ் திரிப்பு நிலையங்களில் பஸ்களை நிறுத்துதல் மற்றும் பயணிகளை ஏற்றி இறக்குதல் முழுமையாக தடை செய்யப்பட்டுள்ளது.

இந்த தனிமைப்படுத்தல் ஊரடங்குச் சட்டம் அமுலில் உள்ள பிரதேசங்களில் உள்ள ரயில் நிலையங்களில் பயணிகளை ஏற்றுவதற்காகவோ அல்லது இறக்குவதற்காகவோ ரயில்கள் நிறுத்தப்படமாட்டாது என்றும் அந்த அறிக்கையில் தெரிவிக்கப்பட்டுள்ளது.

(அரசாங்க தகவல் திணைக்களம்)

Spread the love
 
 
      

Related News

Leave a Comment

This site uses Akismet to reduce spam. Learn how your comment data is processed.

This website uses cookies to improve your experience. We'll assume you're ok with this, but you can opt-out if you wish. Accept Read More