யாழ்.நவாலி பகுதியில் நேற்று முன்தினம் புதன் கிழமை வீடொன்றுக்குள் புகுந்து தாக்குதல் நடத்திய சந்தேகத்தில் மூவர் யாழ்.மாவட்ட குற்றத்தடுப்பு காவல்துறையினரினால் இன்று கைது செய்யப்பட்டுள்ளனர்.
சந்தேக நபர்களிடமிருந்து 2 வாள்கள் மற்றும் மோட்டார் சைக்கிளும் மீட்கப்பட்டன என்று காவல்துறையினர் தெரிவித்தனர்.
நவாலி பகுதியில் உள்ள வீட்டுக்குள் புகுந்த கும்பல் பெறுமதியான பொருள்களை சேதப்படுத்தியதுடன் பெற்றோல் குண்டுத் தாக்குதலை மேற்கொண்டிருந்தது.
சம்பவம் தொடர்பில் காவல்துறையினருக்கு கிடைக்க பெற்ற முறைப்பாட்டின் அடிப்படையில் விசாரணைகளை முன்னெடுத்தகாவல்துறையினர் மூவரை இன்றைய தினம் கைது செய்துள்ளனர்.
