பருத்தித்துறையில் துப்பாக்கி சூடு – ஒருவர் காயம் ; மற்றுமொருவர் தப்பியோட்டம்

பருத்தித்துறை காவல்துறைப் பிரிவுக்கு உட்பட்ட பகுதியில் சட்டவிரோதமான முறையில் மணல் ஏற்றி சென்ற டிப்பர் வாகனம் ஒன்றினைகாவல்துறையினர்  மறித்த போது , காவல்துறையினரின் கட்டளையை மீறி வாகனத்தை சாரதி தொடர்ந்து செலுத்தி செல்ல முற்பட்ட வேளை காவல்துறையினர்  துப்பாக்கி பிரயோகம் மேற்கொண்டனர்.

அதில் ஒருவர் காயமடைந்த நிலையில் , மற்றையவர் டிப்பர் வாகனத்தில் இருந்து பாய்ந்து தப்பியோடியுள்ளார்.  காயமடைந்தவரை காவல்துறையினர் கைது செய்து , காவல்துறை   பாதுகாப்புடன் பருத்தித்துறை ஆதார வைத்தியசாலையில் அனுமதித்து நிலையில் சிகிச்சை அளிக்கப்பட்டு வருகிறது.

அதேவேளை தப்பியோடிய நபரை கைது செய்ய நடவடிக்கை எடுத்துள்ளதுடன் , சம்பவம் தொடர்பில் மேலதிக விசாரணைகளையும்காவல்துறையினர்  முன்னெடுத்து வருகின்றனர்.