இந்தியாவின் மும்பை பாந்த்ரா புகையிரத நிலையத்துக்கு வெளியே குடிசை பகுதியில் இன்று திடீரென தீ விபத்து ஏற்பட்டுள்ளது. தீயை அணைக்கும் பணியில் 12-க்கு மேற்பட்ட வாகனங்களில் தீயணைப்பு படை வீரர்கள் போராடி வருகின்றனர் என தெரிவிக்கப்படுகின்றது.
இந்த பகுதியில் உள்ள குடிசைகளில் ஆயிரத்துக்கு மேற்பட்ட மக்கள் வசித்து வருகின்ற நிலையில், இன்று மாலை அங்குள்ள குடிசை பகுதியில் திடீரென தீ விபத்து ஏற்பட்டுள்ளது. குடிசைகளில் பரவிய தீ அனைத்து குடிசைகளுக்கும் பரவியதுடன் மேலும் புகையிரத நிலையத்தை இணைக்கும் நடைமேம்பாலமும் தீ விபத்தில் சிக்கி சேதமானதாக தெரிவிக்கப்பட்டுள்ளது.
தீயணைப்பு வீரர்களுடன் போலீசாரும் சம்பவ இடத்துக்கு சென்று குடிசை பகுதிகளில் இருந்த மக்களை அங்கிருந்து அகற்றும் பணியில் ஈடுபட்டனர். தீ விபத்தை தொடர்ந்து, அந்த பகுதியில் போக்குவரத்து முற்றிலும் பாதிப்பு அடைந்தது.
