தேர்தல் சட்டத்தை மீறிய சம்பவம் தொடர்பில் முன்னாள் அமைச்சர் ஹரின் பெர்னாண்டோவை பதுளை காவற்துறையினர் கைது செய்துள்ளனர். காவற்துறை ஊடகப் பேச்சாளர், பிரதி காவற்துறை மா அதிபர் நிஹால் தல்துவ இதனை உறுதிப்படுத்தினார்.
கடந்த 11ஆம் திகதி பதுளையில் நடைபெற்ற தேர்தல் பிரச்சாரத்தின் போது காவற்துறையினருடன் இடம்பெற்ற முறுகல்நிலை தொடர்பில் வாக்குமூலம் வழங்குவதற்காக ஹரின் பெர்னாண்டோவை இன்று காலை பதுளை காவற்துறையில் முன்னிலையாகுமாறு அழைகப்பட்டிருந்த நிலையில் தற்போது அவர் கைது செய்யப்பட்டுள்ளார்.
அண்மையில் ஹரின் பெர்னாண்டோ மற்றும் அவரது ஆதரவாளர்கள் பதுளை நகரில் ’10’ஆம் இலக்கம் கொண்ட சட்டைகளை அணிந்து கொண்டு நடமாடியதால் காவற்துறை யினருடன் முறுகல்நிலை ஏற்பட்டது. அவர் நாடாளுமன்றதேர்தலில் பதுளை மாவட்டத்தில் யின் கீழ் 10ஆம் இலக்கத்தில் போட்டியிட்டிருந்தமை குறிப்பிடத்தக்கது.
