ஹொகொங் போராட்டத்திற்கு காரணமானவர் விடுதலை – சட்ட மசோதா ரத்து – நிர்வாக தலைவரை மாற்ற முடிவு?

ஹொங்கொங் போராட்டக்காரர்கள்

ஹொங்கொங்கில் மோதல்களை உருவாக்கிய சட்ட மசோதாவை முற்றிலும் திரும்பப் பெறுவதாக அந்நகரின் பாதுகாப்பு செயலாளர் தெரிவித்துள்ளார். ஹொங்கொங்கில் கிரிமினல் வழக்குகளில் சிக்குபவர்களை சீனாவுக்கு நாடு கடத்தி, வழக்கு விசாரணையை சந்திக்க வைக்க ஏதுவாக கைதிகள் பரிமாற்ற சட்டத்தில் திருத்தம் கொண்டுவர ஹொங்கொங்  நிர்வாகம் முடிவு செய்தது.

இந்த சட்ட திருத்தத்திற்கு மக்களிடையே கடும் எதிர்ப்பு எழுந்ததையடுத்து சட்ட திருத்த மசோதாவை நிறுத்தி வைப்பதாக ஹொங்கொங்   நிர்வாக தலைவர் கேரி லோம் தெரிவித்தார்.

ஆனாலும், ஹொங்கொங்கின் தன்னாட்சியில் சீனா தலையிடுவதை நிறுத்துதல், சுதந்திர தேர்தல், போராட்டக்காரர்களை தாக்கிய காவற்துறையினர் மீது விசாரணை மேற்கொள்ளுதல், கைது செய்யப்பட்டு சிறையில் உள்ள போராட்டக்காரர்களை நிபந்தனையின்றி உடனடியாக விடுதலை செய்தல் போன்ற கோரிக்கைகளுடன் ஐந்து மாதங்களாக போராட்டம் நடைபெற்று வருகிறது.

ஹொங்கொங் வீதிகளில் குடைகளை பிடித்தபடி லட்சக்கணக்கில் திரளும் போராட்டக்காரர்கள் தங்கள் அடையாளங்களை காவற்துறைினர்  கண்டுபிடித்துவிடக்கூடாது என்பதற்காக முகங்களில் முகமூடி அணிந்துகொண்டு போராடி வருகின்றனர்.

போராட்டத்தின் போது அந்நகரில் உள்ள சீன ஆதரவு நிறுவனங்களை அடித்து நொறுக்கும் போராட்டக்காரர்கள் மெட்ரோ ரெயில் நிலையங்கள், விமான நிலையங்கள் என தங்கள் கண்ணில் பட்டவற்றையெல்லாம் துவம்சம் செய்துவருகின்றனர்.

போராட்டக்காரர்களை ஒடுக்க ஹொங்கொங்  காவற்துறையினர் கண்ணீர் புகைகுண்டுகள், தண்ணீரை பாய்ச்சி விரட்டுதல், தடியடி என பல தாக்குதல்களை நடத்தினர்.

ஒரு கட்டத்தில் போராட்டக்காரர்கள் மீது துப்பாக்கிச்சூடும் நடத்தினர். இதனால் போராட்டக்காரர்களுக்கும், காவற்துறையினருக்கும்  இடையே அவ்வப்போது மோதல் சம்பவங்கள்  இடம்பெற்றன.

ஹொங்கொங்  தனது பொருளாதாரத்திற்கு மிகப்பெரிய பங்கு வகிப்பதால் அதை சீர்குலைக்க விரும்பாத சீனா தனது ராணுவத்தை அங்கு அனுப்பி மக்களை எச்சரிக்கும் நடவடிக்கையிலேயே ஈடுபட்டுவந்தது.

இந்நிலையில், ஹொங்கொங்கில் செய்தியாளர்களை சந்தித்த அந்நகரின் பாதுகாப்பு செயலாளர் ஜான் லீ, ‘ஹாங்காங்கில் வழக்குகளில் சிக்குபவர்களை சீனாவுக்கு கொண்டு சென்று விசாரணை நடத்த ஏதுவாக கொண்டுவரப்பட்ட சட்ட திருத்த மசோதாவால் சமூகத்தில் மோதல்கள் நிலவிவருகிறது. ஆகையால் தான் அந்த சட்டத்தை  அதிகாரப்பூர்வமாக முற்றிலும் திரும்பப்பெறுவதாக   தெரிவித்துள்ளார்.

ஹொங்கொங்கில் குற்ற வழக்குகளில் சிக்குபவர்களை சீனாவுக்கு நாடுகடத்தி விசாரிக்க ஏதுவாக கொண்டுவரப்பட்ட சட்டத்தை ரத்து செய்துள்ளதாக பாதுகாப்பு செயலாளர் ஜான் லீ தெரிவித்துள்ள் போதிலும், நகரின் தலைமை நிர்வாகி கேர் லோமின் நிலைப்பாடு என்ன? என்று சந்தேகம் எழுந்துள்ளதால்   போராட்டங்கள் இன்னும் தொடரலாம் என எதிர்பார்க்கப்படுகிறது.

ஹொகொங் போராட்டத்துக்கு வித்திட்டவர் விடுதலை – நிர்வாக தலைவரை மாற்ற சீனா முடிவு?

ஹொங்கொங்கில் கைதிகள் பரிமாற்ற சட்டதிருத்த மசோதாவுக்கு எதிர்ப்பு தெரிவித்து போராட்டம் வெடித்ததும், அதனை தொடர்ந்து சர்ச்சைக்குரிய அந்த மசோதா கைவிடப்பட்டதும் அனைவரும் அறிந்ததே. ஆனால் குற்ற வழக்குகளில் தொடர்புடையவர்கள் என்று சந்தேகிக்கப்படும் நபர்களை சீனா மற்றும் தைவானுக்கு நாடு கடத்த வழிவகை செய்வதற்கு சட்ட மசோதாவில் திருத்தம் செய்ய காரணமாக இருந்தவர் 20 வயதுடைய சான் டோங் காய்

ஹொங்கொங்கை சேர்ந்த இவர் கடந்த ஆண்டு தைவானில் கர்ப்பிணி காதலியை கொலை செய்துவிட்டு ஹொங்கொங்குக்கு தப்பி சென்றதாக குற்றம் சாட்டப்பட்டது. அத்துடன் காதலியின் கிரெடிட் கார்டில் இருந்து பணம் எடுத்ததாக பணமோசடி வழக்கும் தொடரப்பட்டது.

இதில் பண மோசடி வழக்கில் அவர் கைது செய்யப்பட்டு சிறையில் அடைக்கப்பட்டார். சான் டோங் காய் மீதான கொலை வழக்குக்காக அவரை தைவானுக்கு நாடு கடத்துவதற்காகவே கைதிகள் பரிமாற்ற சட்ட திருத்த மசோதாவில் திருத்தம் கொண்டு வரப்பட்டது. இதுதான் அங்கு மாபெரும் போராட்டத்துக்கு வித்திட்டது.

இந்த நிலையில், சான் டோங் காயை ஹொங்கொங்  நீதிமன்றம் நேற்று முன்தினம் விடுதலை செய்தது. சிறையில் இருந்து வெளியே வந்த சான் டோங் காய், பாதிக்கப்பட்ட தனது காதலியின் குடும்பத்திடம் மன்னிப்பு கேட்டதோடு, தன் மீதான குற்றச்சாட்டை தைவானில் எதிர்கொள்ள தயாராக இருப்பதாகவும் தெரிவித்தார். அதாவது அவர் தாமாகவே தைவானுக்கு சென்று காவற்துறையில்  சரணடைவார் என்று தெரிவிக்கப்பட்டு உள்ளது.

இதற்கிடையே சர்ச்சைக்குரிய கைதிகள் பரிமாற்ற சட்ட திருத்த மசோதா ஹொங்கொங் நாடாளுமன்றத்தில் நேற்று முறைப்படி வாபஸ் பெறப்பட்டது. இதனை ஜனநாயக ஆர்வலர்கள் வரவேற்று உள்ளனர்.

இந்த நிலையில் ஹொங்கொங்கில் நிலவும் அசாதாரண சூழ்நிலைக்கு மத்தியில் அதன் நிர்வாக தலைவர் கேரி லாமை பதவியில் இருந்து நீக்கிவிட்டு வேறுநபரை பணியமர்த்த மத்திய அரசான சீனா முடிவு செய்திருப்பதாக செய்திகள் வெளியாகி உள்ளன. எனினும் இது குறித்து சீனா தரப்பிலோ அல்லது ஹொங்கொங் தரப்பிலோ அதிகாரப்பூர்வ தகவல்கள் இல்லை.