சுரேஸ் ரய்னா எதிர்வரும் இரண்டு போட்டிகளில் பங்கேற்க மாட்டார்

குளோபல் தமிழ்ச் செய்தியாளர்

சென்னை சுப்பர் கிங்ஸ் அணியின் முக்கிய வீரர்களில் ஒருவரான சுரேஸ் ரய்னா உபாதையினால் பாதிக்கப்பட்டுள்ளார். இதன் காரணமாக ரய்னா, எதிர்வரும் இரண்டு போட்டிகளில் பங்கேற்க மாட்டார் என அறிவிக்கப்பட்டுள்ளது. தசைப்பிடிப்பு உபாதையினால் ரய்னா பாதிக்கப்பட்டுள்ளதாக சென்னை சுப்பர் கிங்ஸ் நிர்வாகம் அறிவித்துள்ளது.

இதன்படி, கிங்ஸ் இலவன் பஞ்சாப் மற்றும் ராஜஸ்தான் றோயல்ஸ் அணிகளுக்கு எதிரான போட்டிகளில் ரய்னா பங்கேற்க மாட்டார். அண்மையில் கொல்கொத்த நைட் ரைடர்ஸ் அணியுடன் நடைபெற்ற போட்டியின் போது ரய்னா உபாதையினால் பாதிக்கப்பட்டிருந்தார் என்பது குறிப்பிடத்தக்கது